Flokkur

Fréttir

Metaðsókn í jólaskóg

Með Fréttir

Metaðsókn var í jólaskóg í Smalaholti laugardaginn 12. desember síðastliðinn en þetta er í 16. skipti sem  Skógræktarfélag Garðabæjar býður upp á árlegan jólaskóg. Fjölskyldur nutu útivistar í skóginum í blíðaskaparveðri við val á hinu eina sanna jólatré. Venjan hefur verið að bjóða upp á kakó og piparkökur en því var sleppt að þessu sinni vegna Covid.

Sumir dressuðu sig upp fyrir jólatrjáahöggið.

 

 

 

Jólaskógur á tímum covid-19.

Ýmsum aðferðum var beitt við að koma jólatrjánum út úr skóginum.

Jólaskógur 2020 í Smalaholti

Með Fréttir

Jólaskógur verður í Smalaholti laugardaginn 12. desember kl. 12:00 –16:00.

Aðkoma að svæðinu er frá Elliðavatnsvegi norðan við Vífilsstaðavatn.

 

Fjölskyldan velur sér tré í skóginum og fellir sjálf.

Fallegar furur og greni. Sama verð á öllum jólatrjám óháð stærð, kr. 7.000.-

Stígagerð í Sandahlíð

Með Fréttir

Umhverfishópar ungmenna í átaksverkefni á vegum Garðabæjar unnu að því í sumar að bæta við stígakerfið í útivistarskóginum í Sandahlíð og þar með urðu til tvær nýjar hringleiðir. Stígarnir eru lagðir kurli sem ungmennin keyrðu í  hjólbörum.

Skógurinn í Sandahlíð er vinsæll meðal almennings jafnt Garðbæinga sem íbúa úr nágrannasveitafélögum. Lenging stíganna sem nemur um 800 m mun því nýtast útivistarafólki vel hvort heldur í skjóli trjánna eftir aspargöngum eða eftir brún Sandahlíðar með glæsilegu útsýni, yfir byggðina í kringum Garðabæ og til fjalla. Ekki tókst að ljúka við brúnastíginn að fullu en það á eftir að keyra kurli í stíginn á um 30-40 m kafla, en sá stígur verður rúmlega 500 m langur þegar honum er lokið.

Skógræktarfélag Garðabæjar lét skipuleggja Sandahlíð 1993 og í framhaldinu  var lagður útivistarstígur eftir endilangri Sandahlíð og ræktunarreitum úthlutað innst á svæðinu með aðgengi m.a. frá Kópavogi við Guðmundarlund. 1994 hófst gróðursetning í Sandahlíð sem reitarhafar unnu sem og félagar í Skógræktarfélaginu og ungmenni á vegum bæjarins. Félagið útbjó áningarstað á Sandaflöt 1995 með leiktækjum, grilli og útiborðum og lagði veg inn á svæðið og bílaplan sem stækkað hefur verið nokkrum sinnum. Í dag er Sandahlíð fallegur útivistarskógur og er svæðið að mestu fullplantað nema þar sem lúpínan er sem þéttust.

Haustferð fellur niður

Með Fréttir

Stjórn Skógræktarfélags Garðabæjar þykir leitt að tilkynna að vegna kórónuveirufaraldursins fellur árleg haustferð félagsins niður í ár. Við stefnum hins vegar á að mæta tvíefld til leiks að ári og bjóðum þá upp á spennandi og fræðandi haustferð.

 

Barbara afhendir Reyni Þorsteinssyni, formanni skógræktarfélags Skilmannahrepps, plöntur með þakklæti fyrir móttökurnar.

Skógardagur í Smalaholti

Með Fréttir

Skógræktarfélag Garðabæjar stendur að skógardegi í Smalaholti laugardaginn 20. júní kl. 13-15.

Boðið verður upp á ratleik fyrir alla fjölskylduna.

Lagt verður af stað frá bílastæðinu í Smalaholti við Elliðavatnsveg.

Viðburðurinn er hluti af ,,Lífi í lundi“ en undir merkjum þess er blásið til viðburða í skógum víða um land.

 

Höfum gaman saman í skóginum!

 

Skógræktarfélag Garðabæjar

 

Efnt var til ratleiks í skóginum í Sandahlíð á Skógardeginum í fyrra.

Vinnukvöld í Smalaholti

Með Fréttir

Tíu félagar úr Skógræktarfélagi Garðabæjar mættu í Smalaholtið þriðjudaginn 9. júní  í góðu veðri til að vinna að ýmsum umbótum í skóginum kringum Trjásýnistíginn. Borinn var áburður á tré, slegin lúpína frá trjánum, tré snyrt og trjástubbar sagaðir. Einnig voru staurar með trjámerkingum málaðir.

 

Það voru sælir og ánægðir félgar sem settust niður í Furulundi eftir vel unnin verk til að fá sér hressingu, en Furulundur er áningarstaður fyrir ofan Trjásýnistíginn.

Vinnukvöld 9. júní

Með Fréttir

Skógræktarfélag Garðabæjar stendur fyrir vinnukvöldi þriðjudagskvöldið 9. júní. Hist verður í aðstöðu félagsins við Vífilsstaðavatn kl. 19 og haldið þaðan í Smalaholt og hugsanlega einnig í Sandahlíð.

Sinna þarf ýmsum verkefnum svo sem áburðargjöf á valdar plöntur, saga stubba eftir jólaskóg, reita lúpínu frá plöntum, mála staura og borð, klippa greinar frá stígum, merkja nýtt stígstæði og tína rusl.

Fólk er hvatt til að koma með kaffi í brúsa eða aðrar veitingar til að njóta að verki loknu.

Allir velkomnir!

 

Erla Bil heiðursfélagi

Með Fréttir

Erla Bil  Bjarnardóttir kosin heiðursfélagi

Skógræktarfélags Garðabæjar

Á aðalfundi Skógræktarfélags Garðabæjar 11. maí 2020 var Erla Bil Bjarnardóttir kosin heiðursfélagi en stjórn félagsins samþykkti á stjórnarfundi í febrúar að leggja tillöguna fyrir aðalfund.

Erla Bil Bjarnardóttir og Skógræktarfélag Garðabæjar hafa verið samofin í yfir 30 ár en hún var einn aðalhvatamaðurinn að stofnun félagsins.

Hún var kosin fyrsti formaður félagsins á stofnfundi þess 24. nóvember 1988 og starfaði sem slíkur í 31 ár eða allt þar til á aðalfundi í mars 2019 er hún lét af störfum.

Hún hefur unnið ötullega að framgangi félagsins og uppbygginu þess hvort heldur er varðar að útvega svæði til ræktunar fyrir félagið eða gróðursetningu á þeim. Skógræktarfélag Garðabæjar hefur haft umsjón með gróðursetningu á eftirfarandi sjö svæðum, Smalaholt, Sandahlíð, Hnoðraholt,  Hádegisholt, Tjarnholt, Leirdal og í Brynjudal.

Sem dæmi um öflugt starf undir hennar stjórn þá gerði félagið samning um Landgræðsluskóga 1990, við stjórn Skógræktarfélags Íslands sem tryggði félaginu plöntur til gróðursetningar. Þann 10. maí 1990 hófst Landgræðsluskógaverkefnið  með gróðursetningu í Smalaholti með þátttöku frú Vígdísar Finnbogadóttur forseta, þingmanna, bæjarfulltrúa og fjölda fólks. Átakið var mjög öflugt þetta sumar en þá voru settar niður um 70 þúsund trjáplöntur í Garðabæ, eða um tíu plöntur á hvern Garðbæing. Þetta verkefni lýsir vel stórhug og atorku Erlu Biljar.

Erla Bil hefur ekki aðeins haft forystu um að fá fyrir hönd félagsins lönd til gróðursetningar og skipuleggja gróðursetningu á þeim. Hún var einnig í farabroddi þegar svæðin í Smalaholti og Sandahlíð voru skipulögð sem var forsenda þess að hægt væri að leggja útivistarstíga og áningastaði á svæðunum öllum til heilla.

Hér hafa aðeins verið talin upp nokkur verkefni sem Erla Bil hefur verið hvatamaður að og unnið að fyrir hönd Skógræktarfélags Garðabæjar.

Erla Bil hefur svo sannarlega lagt sitt að mörkum í þágu skógræktar í Garðabæ svo og útivistar og þar með loftlagsmála í yfir þrjá áratungi.

Kristrún Sigurðardóttir, formaður Skógræktarfélags Garðabæjar.

 

Erla Bil Bjarnardóttir, heiðursfélagi Skógræktarfélags Garðabæjar, ásamt Kristrúnu Sigurðardóttur, formanni félagsins.

Við gróðursetningu í Smalaholti árið 1990.

Erla Bil ávarpar gesti við upphaf landgræðsluskógaátaksins 10. maí 1990.

 

Erla Bil ásamt Brynjólfi Jónssyni, framkvæmdastjóra Skógræktarfélags Íslands, við upphaf landgræðsluskógaátaksins árið 1990.

Grillað í Sandahlíð á skógræktardeginum 1995.

Jólatrjáareitur í aðstöðu Skógræktarfélags Garðabæjar árið 1996.

Erla Bil og Björn Már vinna að umhverfinu kringum Sandahlíð árið 1997.

Kaffipása í Brynjudal árið 2001.

Við aðstöðu Skógræktarfélags Íslands í Brynjudal árið 2008.

Í Smalaholti árið 2003.

Stígurinn í Smalaholti hælaður árið 2009.

Stígar í Smalaholti opnaðir.

Erla Bil virðir fyrir sér skóginn í Smalaholti frá bekk á Brúnastíg.

Á bekk úr grisjunarviði í Smalaholti árið 2019.

Aðalfundur 2020

Með Fréttir

Aðalfundur Skógræktarfélags Garðabæjar 2020

mánudaginn 11. maí kl. 20:00

í Safnaðarheimilinu Kirkjuhvoli

 

DAGSKRÁ

Venjuleg aðalfundarstörf:

Kosning fundarstjóra

Skýrsla stjórnar 2019

Reikningar félagsins 2019

Ákvörðun um félagsgjöld 2020

 

Stjórnarkjör:

Kosning þriggja aðalmanna

Kosning þriggja varamanna

Kosning vara skoðunarmanns reikninga

Kosning heiðursfélaga Skógræktarfélags Garðabæjar

Önnur mál

 

Kaffiveitingar í boði félagsins

 

Gætum þess að halda tveggja metra regluna – nóg pláss

 

Allir hjartanlega velkomnir

Stjórn Skógræktarfélags Garðabæjar